Sunday, January 3, 2016
ഒരു ചിരി കണ്ടാല്‍ അതുമതി…. നല്ല ചിരിക്കായി നല്ല വെളുത്ത പല്ലുകള്‍ സ്വന്തമാക്കാം… ശരിയായ ദന്തശുചിത്വ ശീലങ്ങളുണ്ടെങ്കില്‍ തുമ്പപ്പൂ പോലെ സുന്ദരമായ പല്ലുകള്‍ നിങ്ങള്‍ക്ക് സ്വന്തം. ഭക്ഷണം കഴിക്കാനും
ഒരു ചിരി കണ്ടാല്‍ അതുമതി…. നല്ല ചിരിക്കായി നല്ല വെളുത്ത പല്ലുകള്‍ സ്വന്തമാക്കാം… ശരിയായ ദന്തശുചിത്വ ശീലങ്ങളുണ്ടെങ്കില്‍ തുമ്പപ്പൂ പോലെ സുന്ദരമായ പല്ലുകള്‍ നിങ്ങള്‍ക്ക് സ്വന്തം. ഭക്ഷണം കഴിക്കാനും സംസാരിക്കാനും സഹായിക്കുന്നതിലുപരി പല്ലുകള്‍ ഇന്ന് വ്യക്തിത്വത്തിന്റെ പ്രതീകങ്ങള്‍ കൂടിയാണ്.
അധിക ചെലവില്ലാതെ മനോഹരമായ വെളുത്ത പല്ലുകള്‍ സ്വന്തമാക്കാന്‍
*മൗത്ത് വാഷ്, കാപ്പി,സോഡ എന്നിവ വേണ്ട കാപ്പിയും സോഡയും എന്തിന് ചിലതരം മൗത്ത് വാഷുകള്‍ വരെ പല്ലില്‍ മഞ്ഞക്കറയുണ്ടാകാന്‍ ഇടവരും. അതുകൊണ്ട് തന്നെ ഇവ ഉപേക്ഷിക്കേണ്ടതുണ്ട്.
*ദിവസം രണ്ട് നേരം ബ്രഷ് ചെയ്യുക പല്ലുകളില്‍ അടിയുന്ന ആവരണവും രോഗാണുക്കളെയും നീക്കാന്‍ ദിവസവും രണ്ട് നേരം നിര്‍ബന്ധമായും ബ്രഷ് ചെയ്യണം. അല്ലാത്തപക്ഷം പല്ലുകളിലും ഇടകളിലും അവ അടിഞ്ഞ് നിറം മാറും.
*ഭക്ഷണത്തിന് ശേഷം ബ്രഷ് ചെയ്യാന്‍ സമയം കിട്ടാറില്ലാത്ത അവസ്ഥ പലപ്പോഴും ഉണ്ടാകാറുണ്ട്. ഈ സമയം ഫൈബര്‍ അടങ്ങിയ പഴ വര്‍ഗങ്ങള്‍ കഴിച്ചാല്‍ പല്ലുകള്‍ക്ക് ബ്രഷിംഗിന്റെ ഫലം ലഭിക്കാറുണ്ട്. നാരങ്ങാ വര്‍ഗത്തിലുള്ള പഴങ്ങള്‍ കഴിച്ചാല്‍ വായില്‍ കൂടുതല്‍ ഉമിനീര് ഉല്‍പ്പാദിപ്പിക്കപ്പെടുകയും അതുവഴി പല്ലിലെ കറകള്‍ നീങ്ങുകയും പല്ല് വെളുക്കുകയും ചെയ്യും. വൈറ്റമിന്‍ സി കൂടുതലായി അടങ്ങിയ സ്‌ട്രോബെറി, കിവി തുടങ്ങിയ പഴങ്ങള്‍ മോണയെ ശക്തിപ്പെടുത്തും. ആപ്പിളും പിയര്‍ പഴവും കൂടുതല്‍ വെള്ളം അടങ്ങിയതിനാല്‍ കൂടുതല്‍ ഉമിനീര് ഉല്‍പ്പാദിപ്പിക്കാന്‍ സഹായകരമാണ്.
*മോണകളില്‍ നിന്ന് ചോര പൊടിയുമെന്ന ഫ്‌ളോസിംഗിനോട് പുറം തിരിഞ്ഞ് നില്‍ക്കുന്നവരാണ് പലരും. ശ്രദ്ധയോടെയും ക്ഷമയോടെയും ഇത് ചെയ്താല്‍ പല്ലുകളില്‍ കറ പുരളാതിരിക്കാന്‍ ഇതിലും നല്ല ഒരു വഴിയില്ല.
*പാലുല്‍പ്പന്നങ്ങള്‍ കഴിക്കുക മോണരോഗങ്ങള്‍ പ്രതിരോധിക്കാനും പല്ലിന് തിളക്കമേറ്റാനും പാലുല്‍പ്പന്നങ്ങള്‍ നല്ലതാണ്. ഇനാമലിനെ സംരക്ഷിക്കാനും ബലപ്പെടുത്താനും ഇത് നല്ലതാണ്. കട്ടി കൂടിയ പാല്‍പ്പാടയും കട്ടിത്തെരും പല്ലിന് വെളുപ്പ് നല്‍കാന്‍ സഹയകരമാണ്.
*പല്ലിന്‍മേല്‍ അടിയുന്ന ആവരണം നശിപ്പിക്കാനും ഇനാമല്‍ ഉണ്ടാകാനും എള്ളിന്റെ വിത്ത് നല്ലതാണ്. കാല്‍സ്യത്താല്‍ സമ്പന്നമായതിനാല്‍ പല്ലുകള്‍ക്കും മോണകള്‍ക്കും ചുറ്റുമുള്ള എല്ലുകളുടെ സംരക്ഷണത്തിനും ഇത് നല്ലതാണ്. സൂര്യകാന്തിയുടെ വിത്തുകളും പല്ലുകള്‍ക്ക് നല്ലതാണ്. ഇവയില്‍ നാരുകളും പ്രോട്ടീനും വൈറ്റമിന്‍ ഇയും മഗ്‌നീഷ്യവും അടങ്ങിയിട്ടുണ്ട്. സൂര്യകാന്തി വിത്ത് ചവക്കുന്നത് വഴി ശ്വാസോച്ഛ്വാസത്തിലെ ദുര്‍ഗന്ധം അകറ്റാനും പല്ലുകളില്‍ കറപിടിക്കാതിരിക്കാനും കഴിയും.
*എന്തെങ്കിലും കുടിക്കുമ്പോള്‍, പ്രത്യേകിച്ച് നിറമുള്ള ദ്രാവകങ്ങള്‍, പല്ലുകളില്‍ കറ പുരളാതിരിക്കാന്‍ സ്‌ട്രോ ശീലമാക്കുക. ഇതു വഴി ദ്രാവകം പല്ലുകളില്‍ സ്പര്‍ശിക്കാതെ നേരിട്ട് അന്നനാളത്തിലേക്ക് എത്തും.
*വൈറ്റമിന്‍ എയാല്‍ സമ്പന്നമായ ബ്രോക്കോളി, കാരറ്റ്, മത്തങ്ങ തുടങ്ങിയ ഇനാമലിന്റെ സംരക്ഷണത്തിന് നല്ലതാണ്. ഇവ പച്ചക്ക് കഴിക്കുന്നതാണ് നല്ലത്. ഇതുവഴി മോണകള്‍ മൃദുവായി മസാജ് ചെയ്യപ്പെടുകയും പല്ലുകള്‍ക്കിടയിലെ വിടവ് വൃത്തിയാക്കപ്പെടുകയും ചെയ്യൂന്നു. ഇതുവഴി പല്ലിന്റെ വെളുപ്പ് കാത്തുസൂക്ഷിക്കപ്പെടും.
*നാരങ്ങയും ഉപ്പും ചേര്‍ന്ന മിശ്രിതം ഉപയോഗിച്ച് ദിവസവും പല്ലു തേച്ചാല്‍ തിളങ്ങുന്ന പല്ലുകള്‍ ലഭിക്കും. നാരങ്ങയില്‍ അടങ്ങിയിരിക്കുന്ന സിട്രിക്ക് ആസിഡ് ഉപ്പ് കൂടി ചേരുന്നതോടെ മികച്ച ഫലമാണ് നല്‍കുന്നത്.
*മികച്ച ഫലം ലഭിക്കണമെങ്കില്‍ രണ്ട് മാസത്തിലൊരിക്കല്‍ ബ്രഷ് മാറ്റിയിരിക്കണം. അല്ലാത്ത പക്ഷം ബ്രഷിലെ നാരുകള്‍ കഠിനമാവുകയും ഇത് ഇനാമലിന് കേടുപാട് ഉണ്ടാക്കുകയും അതുവഴി പല്ലില്‍ കറ വീഴുകയും ചെയ്യും.
*പല്ലുകളുടെ കരുത്തും ഭംഗിയും കാത്തുസൂക്ഷിക്കുന്നതില്‍ ശരീരത്തിലെ കാല്‍സ്യത്തിന് നല്ല പങ്കുണ്ട്. അതുകൊണ്ട് ഭക്ഷണത്തില്‍ കാല്‍സ്യം ഉള്‍പ്പെടുത്തുക.
*കക്കൂസില്‍ നിന്ന് ആറ് അടിയെങ്കിലും ദൂരെ മാത്രമേ ബ്രഷ് സൂക്ഷിക്കാവൂ. ഫ്‌ളഷ് ചെയ്യുമ്പോള്‍ വായുവില്‍ പരക്കുന്ന വസ്തുക്കള്‍ ബ്രഷില്‍ പറ്റിപിടിക്കുന്നത് ഒഴിവാക്കാനാണിത്. ഇതുവഴി ദന്തസുരക്ഷക്കും പല്ലുകള്‍ക്ക് യാതൊരു കേടും ഉണ്ടാകാതിരിക്കാന്‍ സാധിക്കും.
*പല്ലുകള്‍ ആരോഗ്യത്തോടെ സൂക്ഷിക്കാന്‍ കൃത്യമായ ഇടവേളകളില്‍ ദന്ത ഡോക്ടറെ നിര്‍ബന്ധമായും കാണണം. ഡോക്ടറെ കാണാന്‍ മടിയുള്ളവരുടെ പല്ലുകളാണ് എളുപ്പം നശിക്കുക.
*സാധാരണ വഴികള്‍ക്കൊന്നും പരിഹരിക്കാന്‍ കഴിയാത്ത വിധം പല്ലിലെ കറ രൂക്ഷമായവര്‍ ടീത്ത് വൈറ്റ്‌നിംഗ് ചികില്‍സക്ക് വിധേയമാകണം.
*ധാരാളം കര്‍പ്പൂരതുളസിയടങ്ങിയ ടൂത്ത്‌പേസ്റ്റുകള്‍ ശീലമാക്കുക. പെട്ടന്ന് ഫലം കണ്ടില്ലെങ്കിലും ദീര്‍ഘനാളത്തെ ഉപയോഗം കൊണ്ട് പല്ലിന് വെളുപ്പ് ലഭിക്കും.
*ദന്ത ശുചീകരണത്തിന് അള്‍ട്രാസോണിക്ക് തരംഗങ്ങള്‍ ഉപയോഗിക്കുന്ന ബ്രഷുകളാണ് സോണിക്ക് ബ്രഷുകള്‍. സാധാരണ ബ്രഷുകള്‍ ഉപയോഗിച്ച് കഠിനമായി ബ്രഷ് ചെയ്യുമ്പോള്‍ പല്ലുകള്‍ക്കും മോണക്കും ഉണ്ടാകുന്ന കേടുപാടുകള്‍ ഉണ്ടാകാതിരിക്കാന്‍ ഇത് സഹായിക്കും.
*ടീത്ത് വൈറ്റ്‌നിംഗ് കിറ്റുകള്‍ ഉപയോഗിക്കുന്നത് നല്ലതാണ്. ദന്ത ഡോക്ടറെ കണ്ട ശേഷം സുരക്ഷിതവും സൈഡ് ഇഫക്ടുകള്‍ ഇല്ലാത്തതുമായ ബ്രാന്റ് തെരഞ്ഞെടുക്കുക.
Subscribe to:
Post Comments (Atom)
No comments:
Post a Comment