Saturday, January 2, 2016
മിക്കവര്‍ക്കും ഇന്നത്തെ കാലത്ത് അനുഭവിക്കുന്ന ഒരു പ്രധാന പ്രശ്‌നമാണ് ഗ്യാസ് ട്രബിള്‍. മുട്ട കഴിച്ചാല്‍, കിഴങ്ങ് കഴിച്ചാല്‍, ചെറു പയര്‍ കഴിച്ചാല്‍ കോഴി
മിക്കവര്‍ക്കും ഇന്നത്തെ കാലത്ത് അനുഭവിക്കുന്ന ഒരു പ്രധാന പ്രശ്‌നമാണ് ഗ്യാസ് ട്രബിള്‍. മുട്ട കഴിച്ചാല്‍, കിഴങ്ങ് കഴിച്ചാല്‍, ചെറു പയര്‍ കഴിച്ചാല്‍ കോഴി കഴിച്ചാല്‍ എന്നിങ്ങനെ ലിസ്റ്റ് പറഞ്ഞു കൊണ്ടേ പോകാം വയര്‍ വീര്‍പ്പും വായൂ വിലക്കവും മൂലമുള്ള പ്രശ്‌നങ്ങള്‍. അഭിമാനം ഓര്‍ത്തു മറ്റുള്ളവരുടെ മുന്‍പാകെ അധോ വായൂ തുറന്നു വിടുന്നതിനും വഴിയില്ല അമുക്കി പിടിക്കും തോറും ശല്യം കൂടി കൂടി വരും എന്നല്ലാതെ കുറയില്ല അവസാനം എവിടെ എങ്കിലും കേറി ഒരു വിലക്കി പിടുത്തം. തിരിയാന്‍ വയ്യ പിരിയാന്‍ വയ്യ, നേരെ ചൊവ്വേ കിടക്കാന്‍ വയ്യ. ആകെപാടെ പ്രശ്‌നം. പേടിക്കണ്ട പരിഹാരം ഉണ്ട്.
പശുവിന്‍ പാല്‍ 250 മില്ലി
വെളുത്തുള്ളി 50 ഗ്രാം
അയമോദകം 10ഗ്രാം
കുരുമുളക് 7 എണ്ണം
പനംച്ചക്കര ആവശ്യത്തിന്
പാകം ചെയ്യണ്ട വിധം :
പാല്‍ ഒരു പാത്രത്തില്‍ ഒഴിച്ച് അതില്‍ വെളുത്തുള്ളി ചെറുതായി അരിഞ്ഞു ഇടുക . പാല്‍ തിളച്ചു വെളുത്തുള്ളി വെന്തു വരുമ്പോള്‍, അയമോദകം ,കുരുമുളക് അതില്‍ ചേര്‍ക്കുക. നല്ലവണ്ണം തിളച്ചു ചേരുവകള്‍ വെന്ത ശേഷം പനം ചക്കര പൊടിച്ചു ചേര്‍ക്കുക. പനം ചക്കര ചേര്‍ക്കുമ്പോള്‍ പാല്‍ അല്പം പിരിയും . പിരിയുന്നത് സ്വാഭാവികം ചെറു ചൂടോടെ കഴിക്കുക . രാവിലെ വെറും വയറ്റില്‍ കഴിക്കുക. കൊച്ചു കുട്ടികള്‍ക്ക് വയറ്റില്‍ മൂളലും ഇരപ്പും ഉണ്ടെങ്കില്‍ അവര്‍ക്കും കൊടുക്കാം ഒന്നോ രണ്ടോ സ്പൂണ്‍ വീതം . രാവിലെ എണീറ്റ് പേസ്റ്റ് ഇട്ടു പല്ല് തേക്കാതെ ഉപ്പിന്റെ അംശം ചേര്‍ന്ന ഉമിക്കരി പോലെ ഉള്ളവ ഇട്ടു തെച്ചതിനു ശേഷം കഴിക്കുക. അഞ്ചു ദിവസം തുടര്‍ന്ന് കഴിക്കണം, വായൂ വിലക്കം നീങ്ങും, രക്ത സമ്മര്‍ദ്ദം ഉള്ളവര്‍ക്കും ഇത് ഉപയോഗിക്കാം ഗുണം ചെയ്യും. വായൂ പ്രശ്‌നം കാരണം ഉണ്ടായ പ്രശ്‌നങ്ങള്‍ മാറും. മാസം ഒരു പ്രാവശ്യം ഇങ്ങനെ ചെയ്തു കഴിച്ചാല്‍ വായൂ പ്രശ്‌നങ്ങള്‍ ഉണ്ടാകാതെ ഒരു പരിധിവരെ രക്ഷപെടാം. അന്നന്ന് ഉണ്ടാക്കി കഴിക്കണം. എങ്കിലേ ഫലം ഉണ്ടാവുകയുള്ളൂ
Subscribe to:
Post Comments (Atom)
No comments:
Post a Comment